Празднование иконы Божией Матери «Скоропослушница».

22 ноября совершили Божественную Литургию в день памяти мучеников Ониси́фора и Порфи́рия (ок. 284–305); преподобной Матро́ны Константинопольской (ок. 492); преподобной Феокти́сты Паросской (881); празднование иконы Божией Матери Скоропослушница (X).

Этот чудотворный образ был написан в афонском монастыре еще в 10 веке, но особо прославился и получил свое название после удивительной истории, которая произошла в 17 столетии с неким монахом Нилом. Он носил светильник, от копоти которого стала темнеть фреска с изображением Пресвятой Богородицы. Нил услышал голос, призывающий заботиться о святом образе, но не воспринял его всерьез, после чего неожиданно ослеп. Он понял, что голос принадлежал Богородице и молил ее о прощении. Богородица вернула ему зрение. Этот образ — символ утешения и поддержки в трудных ситуациях, а также напоминание о том, что Матерь Божия всегда готова прийти на помощь, стоит лишь обратиться к ней с искренней молитвой.

Тропарь, глас 4.

К Богоро́дице притеце́м, су́щии в беда́х,/ и ко святе́й ико́не Ея ны́не припаде́м,/ с ве́рою зову́ще из глубины́ души́:/ ско́ро на́ше услы́ши моле́ние, Де́во,/ я́ко Скоропослу́шница наре́кшаяся./ Тебе́ бо раби́ твои́ в ну́ждах// гото́вую Помо́щницу и́мамы.

Кондак, глас 8.

В мо́ри жите́йстем обурева́емии,/ треволне́нию подпа́даем страсте́й и искуше́ний./ Пода́ждь у́бо нам, Госпоже́, ру́ку по́мощи,/ я́коже Петро́ви Сын Твой,/ и ускори́ от бед изба́вити ны, да зове́м Ти:// ра́дуйся, Всеблага́я Скоропослу́шнице.

Величание.

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.

Молитва:

Преблагослове́нная Влады́чице, Присноде́во Богоро́дице, Бо́га Сло́ва па́че вся́каго сло́ва на спасе́ние на́ше ро́ждшая, и благода́ть Его́ преизоби́льно па́че всех прояви́вшая, мо́ре я́вльшаяся Боже́ственных дарова́ний и чуде́с приснотеку́щая река́, излива́ющая благода́ть всем, с ве́рою к Тебе́ прибега́ющим! Чудотво́рному Твоему́ о́бразу припа́дающе, мо́лимся Тебе́, всеще́дрей Матери человеколюби́ваго Влады́ки: удиви́ на нас пребога́тыя ми́лости Твоя́, и проше́ния на́ша, приноси́мая Тебе́, Скоропослу́шнице, ускори́ испо́лнити все, е́же на по́льзу во утеше́ние и спасе́ние, коему́ждо устроя́ющи.

Посети́, Преблага́я, рабы́ Твоя́ благода́тию Твое́ю, пода́ждь неду́гующим цельбу́ и соверше́нное здра́вие, обурева́емым тишину́, плене́нным свобо́ду и разли́чными о́бразы стра́ждущих уте́ши; изба́ви Всеми́лостивая Госпоже́, всяк град и страну́ от гла́да, я́звы, тру́са, пото́па, огня́, меча́ и ины́я ка́зни вре́менныя и ве́чныя, Ма́терним Твои́м дерзновением отвраща́ющи гнев Бо́жий; и душе́внаго разслабле́ния, обурева́ния страсте́й и грехопаде́ний свободи́ рабы́ Твоя́, я́ко да непреткнове́нно, во вся́ком благоче́стии пожи́вше в сем веце, и в бу́дущем ве́чных благ сподо́бимся благода́тию и человеколю́бием Сы́на Твоего́ и Бо́га, Ему́же подоба́ет всякая сла́ва, честь и поклонение, со Безнача́льным Его́ Отце́м и Пресвятым Ду́хом, ны́не и при́сно и во ве́ки веко́в. Ами́нь.